ಮೂವರು ಮಕ್ಕಳಿಗೆ ವಿಷ ೂಣಿಸಿ ತಂದೆ ಆತ್ಮಹತ್ಯೆ.!

ಯುವ ಭಾರತ ಸುದ್ದಿ,  ಗೋಕಾಕ್: ಸಮೀಪದ ಕಡಬಗಟ್ಟಿ ಬೆಟ್ಟದ ಅರಣ್ಯ ಪ್ರದೇಶದಲ್ಲಿ ತಂದೆ ತಾನು ವಿಷ ಸೇವಿಸಿ ಮಕ್ಕಳಿಗೂ ವಿಷ ಊಣಿಸಿ ತಂದೆ ಹಾಗೂ ಮಕ್ಕಳು ಸಾವನ್ನಪ್ಪಿದ ಘಟನೆ ಶುಕ್ರವಾರದಂದು ಜರುಗಿದೆ.
ಮೃತರು ಹುಕ್ಕೇರಿ ತಾಲೂಕಿನ ರಾಜಕಟ್ಟಿ ಗ್ರಾಮದವರಾದ ಮಾರುತಿ ಯಲ್ಲಪ್ಪ ಪೂಜಾರಿ 37 ಹಾಗೂ ಮಕ್ಕಳಾದ ಯಲ್ಲಪ್ಪ 6, ಪೂಜಾ 4, ಸಮರ್ಥ 7 ಎಂದು ಗುರುತಿಸಲಾಗಿದೆ.
ಗುರುವಾರದಂದು ರಾಜಕಟ್ಟೆ ಗ್ರಾಮದಿಂದ ಅಂಕಲಗಿ ಗ್ರಾಮಕ್ಕೆ ಆಸ್ಪತ್ರೆಗೆ ತೆರಳುವದಾಗಿ ಮನೆಯವರಿಗೆ ತಿಳಿಸಿ, ಮಕ್ಕಳೊಂದಿಗೆ ತೆರಳಿದ್ದು, ಘಟಬಗಟ್ಟಿಯ ಅರಣ್ಯ ಪ್ರದೇಶದಲ್ಲಿ ಮಾರುತಿ ತನ್ನ ಮಕ್ಕಳೊಂದಿಗೆ ವಿಷ ಸೇವಿಸಿ ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ. ಆತ್ಮಹತ್ಯೆಗೆ ಕಾರಣ ತಿಳಿದು ಬಂದಿಲ್ಲ. ಈ ಕುರಿತು ಗೋಕಾಕ ಗ್ರಾಮೀಣ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೋಲಿಸರು ತನಿಖೆ ನಡೆಸಿದ್ದಾರೆ.