ಲಿಂಗನಮಠ ಪ್ರೀಮಿಯರ್ ಲೀಗ್ ಕ್ರಿಕೆಟ್ ಪಂದ್ಯಾವಳಿಗೆ ಡಾ.ಸೋನಾಲಿ ಸರ್ನೋಬತ್ ಚಾಲನೆ !

ಲಿಂಗನಮಠ ಪ್ರೀಮಿಯರ್ ಲೀಗ್ ಕ್ರಿಕೆಟ್ ಪಂದ್ಯಾವಳಿಗೆ ಡಾ.ಸೋನಾಲಿ ಸರ್ನೋಬತ್ ಚಾಲನೆ !

ಯುವ ಭಾರತ ಸುದ್ದಿ ಖಾನಾಪುರ :
ಖಾನಾಪುರ ಬಿಜೆಪಿ ನಾಯಕಿ
ಡಾ.ಸೋನಾಲಿ ಸರ್ನೋಬತ್ ಅವರು ಲಿಂಗನಮಠ ಪ್ರೀಮಿಯರ್ ಲೀಗ್‌ನ ಕ್ರಿಕೆಟ್ ಪಂದ್ಯಾವಳಿಗೆ ಭಾನುವಾರ ಚಾಲನೆ ನೀಡಿದರು.
ವಿಜೇತರಿಗೆ ಕ್ರಮವಾಗಿ 50000₹, 25000₹ ಮತ್ತು 10000₹ಗಳ ಬಹುಮಾನದ ಚೆಕ್‌ಗಳನ್ನು ಪಂದ್ಯಾವಳಿ ಆಯೋಜಿಸುವ ಸಮಿತಿಗೆ ಹಸ್ತಾಂತರಿಸಿದರು.

ಮುಂದಿನ ವರ್ಷ ಖಾನಾಪುರ ಗ್ರ್ಯಾಂಡ್ ಪ್ರೀಮಿಯರ್ ಲೀಗ್ ನ್ನು 5 ಲಕ್ಷ ಮೌಲ್ಯದ ಬಹುಮಾನಗಳೊಂದಿಗೆ ನಡೆಸಲಾಗುವುದು ಎಂದು ಅವರು ಹೇಳಿದರು.

8000090009 ಅನ್ನು ಡಯಲ್ ಮಾಡುವ ಮೂಲಕ ಡಾ. ಸೋನಾಲಿ ಸರ್ನೋಬತ್ ಅವರು ನೆರೆದಿದ್ದ ಜನರಿಗೆ ಬಿಜೆಪಿ ಸದಸ್ಯರಾಗಲು ಮನವಿ ಮಾಡಿದರು.
ರಾಷ್ಟ್ರೀಯ ಏಕತೆಗೆ ಯುವಜನರ ಬೆಂಬಲ ಬಹಳ ಮುಖ್ಯ. ಹೀಗಾಗಿ ಖಾನಾಪುರ ಮತ್ತು ಸುತ್ತಮುತ್ತಲಿನ ಯುವಕರು ಮತ್ತು ಮಹಿಳೆಯರು ಬಿಜೆಪಿಯನ್ನು ಬೆಂಬಲಿಸಲು ವಿನಂತಿಸಿದರು.

ರಾಜು ರಾಪಾಟೆ ಅವರು ದೈನಂದಿನ ಜೀವನದಲ್ಲಿ ಕ್ರೀಡೆಯ ಮಹತ್ವದ ಕುರಿತು ಮಾತನಾಡಿದರು. ಖಾನಾಪುರದಲ್ಲಿ ಡಾ.ಸೋನಾಲಿ ಸರ್ನೋಬತ್ ಅವರ ಸೇವಾ ಕಾರ್ಯದ ಕುರಿತು ಡಾ.ಹಿರೇಮಠ ಮಾತನಾಡಿದರು.

ಕುಶ ಅಂಬೋಜಿ, ಬಾಳೇಶ ಚವಣ್ಣವರ, ದೀಪಕ ಮಾಟೊಳ್ಳಿ ಹಾಗೂ ಲಿಂಗನಮಠ ಕ್ರೀಡಾ ಸಮಿತಿ ಈ ವಿಶೇಷ ಕ್ರಿಕೆಟ್ ಪಂದ್ಯಾವಳಿ ಆಯೋಜಿಸಿತ್ತು.
ಕ್ರೀಡಾ ಸಮಿತಿಯಿಂದ ಡಾ.ಸೋನಾಲಿ ಸರ್ನೋಬತ್ ಅವರನ್ನು ಸನ್ಮಾನಿಸಲಾಯಿತು.

ಬಿಜೆಪಿಯ ಹಿರಿಯ ಕಾರ್ಯಕರ್ತ ರಾಜು ರಾಪಾಟೆ, ಡಾ.ಕಲ್ಲಯ್ಯ ಹಿರೇಮಠ, ಮಾಜಿ ಜಿ.ಪಂ.ಸದಸ್ಯ ಶಿವಾನಂದ ಗೋಧೋಳ್ಳಿ, ತಾ.ಪಂ.ಮಾಜಿ ಸದಸ್ಯ ಮಾರುತಿ ಹರಿಜನ, ತವನಪ್ಪ ರಾಪಾಟೆ, ಸರೋಜಾ ಬಾಗೇವಾಡಿ, ಭಾರತಿ ತಕಡಿ, ಅನಸೂಯಾ ಅಗಸರ, ಅನಿತಾ ಕೋಲ್ಮಸ್ಕರ್ ಉಪಸ್ಥಿತರಿದ್ದರು.