ಕೈ ನಾಯಕನ ಸೆಳೆಯಲು ಮುಂದಾಯ್ತು ಕಮಲ ಪಕ್ಷ !

ಕೈ ನಾಯಕನ ಸೆಳೆಯಲು ಮುಂದಾಯ್ತು ಕಮಲ ಪಕ್ಷ !

ಯುವ ಭಾರತ ಸುದ್ದಿ ಬಾಗಲಕೋಟೆ :
ಉತ್ತರ ಕರ್ನಾಟಕ ಭಾಗದಲ್ಲಿ ಪ್ರಭಾವಿ ಕಾಂಗ್ರೆಸ್ ನಾಯಕನನ್ನು ಸೆಳೆಯಲು ಕಮಲ ಪಕ್ಷ ಇದೀಗ ಮುಂದಾಗಿದೆ.

ಕಾಂಗ್ರೆಸ್ ಪಕ್ಷದಲ್ಲಿರುವ ಎಸ್. ಆರ್. ಪಾಟೀಲ ಅವರನ್ನು ಬಿಜೆಪಿಗೆ ಸೆಳೆಯಲು ಮುಂದಾಗಿದೆ. ಈ ಬಗ್ಗೆ ಸಚಿವ ಮುರುಗೇಶ್ ನಿರಾಣಿ ಸ್ವತಹ ರಣಾಂಗಣಕ್ಕೆ ಇಳಿದಿದ್ದಾರೆ. ಪಾಟೀಲ ಅವರು ಎರಡು ದಿನ ಸಮಯ ಕೇಳಿದ್ದು ನಂತರ ತಮ್ಮ ನಿರ್ಧಾರ ಪ್ರಕಟಿಸುವುದಾಗಿ ಹೇಳಿದ್ದಾರೆ. ಜಗದೀಶ್ ಶೆಟ್ಟರ್, ಲಕ್ಷ್ಮಣ್ ಸವದಿ ಬಿಜೆಪಿ ತೊರೆದಿದ್ದರಿಂದ ಆದ ಹಾನಿಯ ಹಿನ್ನೆಲೆಯಲ್ಲಿ ಪಾಟೀಲರನ್ನು ಬಿಜೆಪಿಗೆ ಕರೆತಂದು ಸ್ಥಾನಮಾನ ನೀಡುವ ಭರವಸೆ ನೀಡಲಾಗಿದೆ ಎಂದು ಮೂಲಗಳು ತಿಳಿಸಿವೆ.