ಗೋಕಾಕ : ಅಪಹರಣಕ್ಕೊಳಗಾಗಿದ್ದ ಉದ್ಯಮಿಯ ಪತ್ತೆ ಇನ್ನೂ ಇಲ್ಲ : ಮಡುಗಟ್ಟಿದ ದುಃಖ

ಗೋಕಾಕ : ಅಪಹರಣಕ್ಕೊಳಗಾಗಿದ್ದ ಉದ್ಯಮಿಯ ಪತ್ತೆ ಇನ್ನೂ ಇಲ್ಲ : ಮಡುಗಟ್ಟಿದ ದುಃಖ

ಯುವ ಭಾರತ ಸುದ್ದಿ ಗೋಕಾಕ :
ಶುಕ್ರವಾರದಂದು ಅಪಹರಣಕ್ಕೊಳಗಾಗಿದ್ದ
ಗೋಕಾಕ ನಗರದ ಉದ್ಯಮಿ ಕೊಲೆಯಾಗಿದ್ದಾರೆ ಎನ್ನಲಾಗಿದ್ದು ಇದುವರೆಗೂ ಶವ ಪತ್ತೆಯಾಗಿಲ್ಲ. ಈ ನಿಟ್ಟಿನಲ್ಲಿ ಕಾರ್ಯಾಚರಣೆ ಸೋಮವಾರವೂ ಮುಂದುವರಿದಿದೆ. ಪೋಲಿಸ್ ಸಿಬ್ಬಂದಿಗಳು ಅಹರ್ನಿಶಿ ಕಾರ್ಯಾಚರಣೆ ನಡೆಸುತ್ತಿದ್ದಾರೆ.

ಗೋಕಾಕ ನಗರದ ಉದ್ಯಮಿ ರಾಜು/ಮುನ್ನ ಝಂವರ ಶುಕ್ರವಾರ ಸಂಜೆ ಅಪಹರಣಕ್ಕೊಳಗಾಗಿದ್ದರು ಎಂದು ಅವರ ಕುಟುಂಬಸ್ಥರು ಪೊಲೀಸರಿಗೆ ದೂರು ನೀಡಿದ್ದರು. ಪೋಲಿಸ್ ತನಿಖೆ ವೇಳೆ ಅವರನ್ನು ಅಪಹರಿಸಿ ಕೊಲೆಗೈಯ್ಯಲಾಗಿದೆ ಎಂಬ ಮಾಹಿತಿ ಲಭಿಸಿತ್ತು. ಈ ಹಿನ್ನೆಲೆಯಲ್ಲಿ ಪೊಲೀಸರು ಶುಕ್ರವಾರದಿಂದ ಕೊಳವಿ ಕೆನಾಲ್‌ನಲ್ಲಿ ಕಾರ್ಯಾಚರಣೆ ನಡೆಸುತ್ತಿದ್ದಾರೆ. ಹರಿಯುತ್ತಿರುವ ನೀರನ್ನು ಬಂದ್ ಮಾಡಿ ಕಳೇಬರ ಹುಡುಕುತ್ತಿದ್ದರೂ ಇದುವರೆಗೂ ಅವರ ಶರೀರ ಪತ್ತೆಯಾಗಿಲ್ಲ.